آهه طويله حردت بي

آهة طويلة حردتْ بي

أضم طيفِكْ بِجَدْ

بالحيلْ

وأقضم من طفولة الشوق

زادنا الكان يكفى قبيلْ

سنين ودنين

نداوة حبنا الآفل

تحية لوم تهش فيني الفراق لسه

وتخلخل فى الضروس أحلام

واردد بيها كم مقطع

سطع أعوام

واقول فيها الزمن سافل

غرز بين نسايمنا الخضيره الشوك

ودسَّ الفجأة فى البارحْ

آهه طويله حردتْ بي

غلبنى أردها الأنفاس

واحيا الفرحه زى الناس

وانوم فارح

واقوم إتأمل الإحساس

ونغم بكره المدندن كان

يبل الهمسه لما تتوه

مع العصريه جنب دكان

واكون سارح

حبيبى تعال

بدون ميعاد بالله ِ

أنا القاسيت هموم أمطار

دموع أنهار

مخدَّره بين أمل بُكْره ورجاء أخبار

تعيد البسمه للعينين

وتتمغى الطيور الكان

هَمَدْ فيها النغيم ... أو طالْ

وتعيد لحن الفرح ألوان

مموهه بالطفولة كمان

فجر آسر

غزل هطـَّالْ

واللهْ زمان !!

تعود نفسي النسيتها خلاص

جداول ضاحكه

زى ساقية فقيرى

حنان

واحمد ربِّي زى عابد

جزاه الجنـّه مهما كان